a,lah ni bee ki trf wahi bajhi

Treatment From Honey Bee

Shehed Ki Makhi Ke Zehar Main Bhi Shifa Posheeda Hai

Duniya main hazaron aesay log hain jou shehed ki makhi ke zehar se mukhtalif amraaz ka ilaj kartay hain. Ilaaj ke liyeh shehed ki makhi ka istemaal koyi nayi baat nahi hai. Zamane kadeem se APITHERAPY yaa magsi ke zariye se muttayid Bimariyon ka ilaaj hota raha hai jin mai ganj se lekar kuttay ke katnay tak ka ilaaj shamil tha. APIS lateeni zuban ka lafz hai  jis ke mayine hain shehed ki makhi. Isi lafz se APITHERAPY bana hai yaani shehed ki makhi ke zariye se ilaaj ka tareeqa.

Qadeem misri bashinday shehed ki makhi ke dang se ghattya ka ilaaj kartay hain. Baaz eurpeon mumalik main shehed ki makhi ko jala kar tail main mila kar taiyaar kartay thay aur phir us ke laip se jism ke mukhtalif hisso main dard ka ilaaj kartay thay. Europe main aisi mashoor hastiyaan bhi guzri hain jinho ne shehed ki makhi ke zehar se apne juddon ke dard ka ilaaj kiya.

Shehed ki makhi se hasil shuda ashiya se taiyaar karda bayiz dawayen ba zahir apni jarasim kash aur shifa baksh khususiyaat ke liyeh mashoor hain, lekn aksar logon ke liyeh yeh baat kuch ajeeb si hai ke is makhi ke zehar main bhi shifa poseeda hai.

China main hazaron saal se raij hai. Wahan ke mahir bhi shehed ki makhi ke zehar se kaam letay hain. Jin jagahon pe AQUPANCHAR ki jaati hai un jagahon par yeh mahireen is zehar ko lagatay hain. Is se ba zahir shifayabi kea mal main sarrat paida hojati hai. Baaz science dano ne yeh tajurbaa bhi kiya hai ke shehed ke makhi ke zehar ko tekay ki shakal main jism main dakhil kiya, lekn yeh khasa mushkil amal hai. Jo log is k ilaaj se amada hain unka kehna hai ke makhi ke jism se nikala huwa zehar wo taseer nahi rakhta jo baraye raast us ke jism se dang ke zariye se insaani jism main muntakil honay walay zehar main hoti hai.